CEBU, Philippines - Kapin na sa 100 ka triathletes ang magtigi sa Cebu leg sa National Age-Group Triathlon Series (NATG) karong Domingo didto sa Boardwalk sa Danao City.
Gilauman nga mosaka pa kini gumikan kay ang organizing Triathlon Association of the Philippines (TRAP) ug Danao City Sports Commission modawat man og on-site registration.
Ang registration fee alang sa triathlon nagkantidad og P1,000 ug P500 alang sa supertrikids ug duathlon. Mahimong magparehistro sa Rudy Project sa Ayala Center-Cebu ug sa SM City-Cebu ug sa The Brick Tri Shop. (BANAT NEWS)