CEBU, Philippines - Gidispatsar sa Southwestern University (SWU) Cobras ug sa National University (NU) Bulldogs ang tagsa-tagsa nilang kaatbang aron maoy mag-abot sa finals sa 1st Mandaue City Mayor's Cup Inter-Collegiate and Inter-Barangay basketball tournament.
Ang Cobras milubong sa University of San Jose-Recoletos (USJ-R) Jaguars, 78-65, samtang gilubong sab sa Bulldogs ang University of the Visayas (UV) Green Lancers sa miaging gabii didto sa Mandaue City Cultural and Sports Complex. Milabaw pa ang Lancers sa first period, 19-18 pinaagi sa buzzer-beating lay-up ni John Abad. Ang Bulldogs misugod paglubong sa Lancers sa third period pinaagi sa ilang 16-7 run aron moiskor og 50-31 paghuman sa maong kuwarter.
Laing hinungdan nganong yano kaayong gilubong sa Bulldogs ang Lancers mao ang maayong performance sa mga imports sa opensa ug depensa.
Silang Glenn Khobuntin ug Jeth Rosario maoy nangu sa Bulldogs nga mikimada og 17 puntos matag usa, samtang ang napildeng Lancers gipangulohan sab ni Rhaffy Octobre pinaagi sa iyang 14 puntos.
Sa laing bahin, si Landry Sanjo miposa og 22 puntos alang sa Cobras, samtang gipangulohan sab ni James Regalado ang Jaguars sa iyang 11 puntos. (BANAT NEWS)
PUNTOS MATAG USA
Unang duwa:
SWU (78) – Sanjo 122, Tallo 14, Mohammed 14, Parker 13, Bregondo 4, Akono 4, Diapera 3, Goloran 2, Reyes 2.
USJ-R (65) – Regalado 11, Ojualla 10, Lajato 8, Catipay 7, Villafranca 7, Galvez 5, Suano 5, Navarra 3, Senining 2, Bayhonan 1, Labares 1.
Ikaduhang duwa:
NU (71) – Khobuntin 17, Rosario 17, Aroga 8, Alolino 5, Labing-isa 4, Morido 3, Javelona 3, Celda 3, Nyepes 3, Betayene 2, Atangan 2, Alejandro 2.
UV (51) – Octobre 14, Mpoma 7, Codilla 7, Escosio 6, Veloso 5, Abad 5, Santillan 4, Manzo 2, Sacor 1.