Peñalosa nagpabiling way pilde

CEBU, Philippines -  Nagpabiling limpyo ang rekord ni super bantamweight prospect Dave 'The Hunter' Peñalosa ang iyang limpyong rekord human modaog pinaagi sa "unanimous decision" batok ni Mexican   Alem Robles sa miaging gabii didto sa San Juan Arena sa San Juan City.

 Hinuon, pakyas siya sa pagpatumba ni Robles tungod  sa kaagresibo niini nga nakahatag og labad ni Peñalosa.

 Mipasud og mga nindot nga kombinasyon si Robles sa unang tulo ka rounds, apan si Peñalosa mibawos ug mao na usab nangulata.

 Bisan pa sa paghubag sa iyang mata, si Peñalosa nakapasud og kusog nga left straight ngadto sa suwang ni Robles. Natay-og ang Mehikano, apan mipakita kini og kalig-on aron ipadayon ang away hangtod sa katapusang bagting sa kampanilya sa ikaunom ug katapusang round.

 Tulo ka mga hurado ang miiskor og 58-56, 58-56, 59-56 pabor ni Peñalosa.

 Sa maong kadaugan, si Peñalosa aduna na karo'y 8-0, 5KOs, samtang si Robles nakaangkon sa iyang ikaupat nga pilde sud sa 10 ka away.

 Samtang sa main  event  sa boxing card nga gipasiugdahan sa Gerry Peñalosa Promotions, si Michael Fareñas (38-4, 30KOs) misakmit sa bakanteng WBC Asia Council Continental super featherweight title pinaagi sa technical decision batok ni Mexican journeyman Hector Velasquez. (BANAT NEWS)