Mandaue triathletes nidaog bulawan sa Batang Pinoy

CEBU, Philippines - Kinasing-kasing nga suporta gikan sa Mandaue City Government ubos sa liderato ni Mayor Jonas Cortes, eskwelahan ug ingon man sa mga ginikanan maoy gihimong inspirasyon sa mga batan-ong atleta sa maong dakbayan aron modaog og bulawang medalya sa Batang Pinoy dili pa lang dugay didto sa Bacolod City.

Ang 15-under triathletes sa Mandaue City nga gilangkuban sa  mga  tinun-an gikan sa Sacred Heart School-Ateneo de Cebu

(SHS-AdC) Canduman campus,  mipukan sa Cebu City ug sa Laguna, kinsa maoy nanghawod sa miaging tuig.

Ang madaugong koponan nga kabahin sa 39-member sa Mandaue delegation gibidahan nilang Yuan Chiongbian ug Lorraine

Hann (13-anyos), Shaia Uy (14-anyos) ug Jezreel Tan (15-anyos). Wala makaapil ang award-winning nga si Justin Chiongbian kay

nakaangkon og injury sa iyang kamot.

Ang ikaduhang koponan gilangkuban nilang Nica Villaba  ug Craig Joshua  (12-anyos) ug John Trian (14-anyos).

Gawas sa triathlon events, ang Mandaue City mikabkab sab og bulawang medalya sa boxing, table tennis ug badminton. Ang

Mandaue nakadaog sab og silvers sa arnis ug badminton ug bronze sa boxing, karatedo ug badminton. Ang ilang girls’ volleyball

nahimutang sa ikaunom sa overall. (BANAT NEWS)