Walo ka langyaw mibisita sa Doce Pares

CEBU, Philippines - Walo ka langyaw ang mibisita kang eskrima Supreme Grand Masters Ciriaco "Cacoy" Cañete ug nagsugod karon sa ilang duha ka semana nga refresher course diha sa Doce Pares World Eskrima Federation headquarters sa dan C. Padilla, ning dakbayan.

Ang mga langyaw nga eskrimadors mao silang instructor Jacky Farsa, Roberto Theancourt, Leon de Garde Coly, Naiva Rungessamy ug Eddy Grondin sa Reunion island, French Territory, Zach Whiston ug iyang asawa nga Haponesa nga si Dyan Tanaka Whitson ug Chinese national Deng Hang.

Matud pa ni Grandmaster Chuck Cañete, gikinahanglan nilang Zach ug Dyan nga mupadayon sa ilang training tungod kay dili madugay, ma-promote na silang duha ngadto sa grandmaster status karong Agusto 8 atol sa Hall of Fame awardee ug maoy ika-95 nga adlaw'ng natawhan  ni SGM Cañete.

Duna say world eskrima tournament nga himuon atol sa maong petsa. ((BANAT SPORTS)