CEBU, Philippines - Ipakita ni former Cuban amateur sensation Reymi Castellano Aleye ang iyang abilidad sa iyang sangka sa ALA Boxing and
Fitness Gym's "Sinulog Boxing at the Mall" karong Enero 19 diha sa Gaisano Countrymall carpark sa Brgy. Banilad, ning syudad.
Ang 26-anyos nga si Aleye adunay unom ka national titles ug aduna nay 400 ka amateur fights didto sa Cuba.
Si Aleye nakaangkon usab og talagsaong kahigayonan nga ikasangka sa amateur si reigning WBA ug WBO super
bantamweight champion Guillermo Rigondeaux, kinsa mipilde ni Filipino ring star Nonito Donaire Jr. niadtong Abril sa miaging tuig didto
sa New York.
Sa iyang dul-an tulo ka buwan nga training sa ALA Boxing Gym, si Aleye (2-0, 1KO) masukod ang iyang abilidad sa
pakigsangka niya ni Cebuano Rodel Wenceslao (7-6, 2KOs).
"I heard and read a lot about the ALA Boxing Gym back when I was in Cambodia. That was the sign for me to come here to the
Philippines to broaden my skills and acquire experience," matud pa ni Aleye.
Mobida sa maong fight card mao ang fast-rising Bacolod City fighter nga si Roland Servania, kinsa makigharong ni Dingdong
Quiñones sa General Santos City sa usa ka six-round non-title duel sa bantamweight division. (BANAT NEWS)