Mano Amon Cycling sa Dec. 29
CEBU, Philippines - Gawas sa lumba sa dagan, usa usab ka cycling event ang ipahigayon pahinungod sa giilang "Danao's grand old man" nga si anhing Ramon 'Mano Amon' Durano Sr.
Pagaulohan og "Halad Kang Mano Amon Cycling Classic, ang kalihukan himuon karong Disyembre 29 didto sa Danao City.
Ang maong cycling event usa ka road race nga molibot sa mga kadalanan sa Danao paingon sa Lugo ug balik sa golf course sa maong dakbayan.
Gibahin kini sa duha ka kategoriya -- ang 40-below ug 40-above. Aduna nay 40 ka mga cyclist ang nagparehistro sa 40-paubos, samtang laing 25 sa 40-pataas.
Mga plaque ang madawat sa top five performers sa matag kategoriya. Ang mga organizers mohatag usab og packed meals sa tanang partisipante inig human sa lumba.
Adunay transportasyon alang sa mga riders gikan sa Cebu City paingon sa Danao ug balik.
Sa mga interesadong mosalmot, padayon pa ang registration karong adlawa didto sa Mandaue Reclamation Area. Ang registration fee nagkantidad og P300. (BANAT NEWS)
- Latest
