Roque, Sevillano naghari sa 2nd Strike chess tourney

CEBU, Philippines -  Mikawat og salida sila si NM Merben Roque ug Rhenzi Kyle Sevillano sa gipahigayong Four Central Squares 2nd Strike Open Chess Tournament niadtong weekend didto sa Robinson's Place.

 Si Roque nakatabla uban ni NM Leonardo Alidani sa final round, apan igo na kaayo ang iyang gihimo aron maghari sa open category bitbit ang perpektong 6.5 puntos paghuman sa 7-round Swiss system competition.

 Nagtabla  sab  sila  si Alidani   ug   Rogelio  Enriquez Jr. pagtapos  sa   ilang kampanya nga adunay 6.0 puntos, apan si Alidani maoy miangkon sa ikaduhang dapit pinaagi sa superior tie-break output.

 Sila si Christian Yves Fiel, Rommel Ganzon ug Diego Abraham Claro mi-okupar gikan sa ikaupat hangtod sa ikaunom nga dapit nga mihipos og 5.5 puntos matag usa.

 Mikompleto sa top 10 finishers  nga  adunay  5.0 puntos matag usa mao sila si Richard Natividad, Edcel Montoya, Bryle  Arellano ug  Rosendo Yamyamin.

 Sa iyang bahin, si Sevillano nagtabla uban ni Chris Aldritz Pondoyo sa final round, apan wala kini makatarog kaniya kay siya gihapon ang nahimong kampiyon sa kiddies division nga mihipos og  6.5 puntos.

 Sila si Pondoyo, James Andrew Balbona ug Ryan Pacres nagtabla sab sa managsamang  5.5  puntos,  apan si  Balbona  maoy miangkon  sa   ikaduha pinasikad  sa    higher   tie-breaker.

 Si Pondoyo nahimutang sa ikatulong dapit, gisundan ni Pacres.

 Mikompleto sa top 10  nga adunay   5.0  puntos   matag usa   mao  sila   si   Edzel Vosotros, Adrian Basil Basilgo, Vic Glysen Derotas, Jeffu Dorog, John Arvert Cadiz ug Krizal Joseph Gutang. (BANAT PALARO)