CEBU, Philippines - Suwayan sa MJDL Brokers ug Limasawa-Rollway Brokers nga moabante sa finals batok sa managlahing karibal sa knockout semifinals sa CIPU-BOC basketball tournament karong gabii diha sa Cebu Coliseum.
Mga duwa karon
(Cebu Coliseum)
7:30 pm
MJDL vs. Global Carrier
9:00 pm
ROSCAN vs. Limasawa
Ang modaog maoy makakuha og lingkoranan alang sa finals nga duwaon karong Disyembre 3 diha gihapon sa Cebu Coliseum.
Atol sa quarterfinals niadtong Martes, ang Global Carrier misud sa semis human ilang gipalagpot ang Alin Brokers sa iskor nga 73-63, samtang nakasud sab ang ROSCAN Liners pinaagi sa pag-iskor og 78-65 nga kadaugan batok sa Ynah Brokers.
Silang duha lang ni Ramil Aniñon ug Kenneth Maningo ang nakahimo'g double figures alang sa Global Carrier sa ilang 22 ug 12 puntos matag usa. Samtang tulo ka players sa Alin Brokers miiskor og 10 puntos matag usa.
Sa laing bahin, nanginit pag-ayo si Gerry Singson aron pangulohan ang Roscan Liners pinaagi sa iyang 22 puntos. Maayo sab nakaduwa silang Jim Villa, Jonas Cayanong ug Michael Almodal nga pulos sab mihimo'g double figures.
Ang Ynah Brokers gipangulohan ni Tata Laborte, kinsa mibahog og 13 puntos.
Puntos matag usa
Unang duwa:
Global Carrier (73) - Aniñon 22, Maningo 12, Cedeño 8, Manulat 7, Banghal 4, Caynita 3, Diaz 2, Pastor 2, Cabillada 2, Castro 1.
Alin Brokers (63) - Estorgio 10, Lleve 10, Barral 10, I. Alin 8, Alimoren 8, Herbito 7, Villomo 6, Baltonado 2, Egpit 2.
Ikaduhang duwa:
ROSCAN Liners (78) - Singson 22, Villa 11, Almodal 10, Cayanong 10, Dellosa 8, Bensi 6, Sigue 5, Sillar 2, Belarmino 2, Piape 2.
Ynah Brokers (65) - Laborte 13, Allerite 11, Guardiano 10, Ju. Garcia 6, Gornez 5, Oporto 4, Castillo 3, Castillo 3, Alaan 2, Peras 2, Carmen 2, Amistoso 2. (BANAT NEWS)