UC padayon mikabkab mga bulawan sa Cebu City Olympics

CEBU, Philippines -  Gawas sa swimming ug taekwondo, ang University of Cebu (UC) Webmasters midominar sab sa athletics, arnis ug table tennis

event sa 23rd Cebu  City Olympics kagahapon didto sa Cebu City  Sports Center (CCSC).

 Sa unofficial medal count sa athletics, ang UC adunay kinatibuk-ang 20 golds, 13 ka silvers ug 14 ka bronzes.

 Apan ang organizers sa maong kalihukan mogamit og points system aron pagdeterminar sa top performers overall.

 Si Jrict Ray Talicug maoy nangu alang sa UC nga mikabkab og dugang 10 ka bulawan sa athletics. Human mahimong labing

kusog nga runner sa kompetisyon sa oras nga 11:65 seconds sa secondary boys 100m run, mihari sab siya sa 400m run sa  oras nga 53.95

segundos.

 Naka-gold sab si Doren Romeral sa secondary girls 100m run sa oras nga 13.08 segundos. Ang laing mihatag og bulawan alang

sa UC mao sila si Ara Arenasa sa javelin throw (26.44m) ug triple jumpers John Marvin Rafols (12.88m) ug Jhuvan Jhen Baculot, samtang

midaog sab sila og upat ka bulawan sa relay events.

 Sa arnis, ang UC mikolekta og siyam ka golds, usa ka silver ug usa sab ka bronze sa secondary division, samtang ang Guadalupe

Elementary School  mihipos  og  tulo  ka golds ug tag-usa ka silver ug bronze.

 Mikabkab sab og tulo ka bulawan ang UC sa table tennis ug usa ka silver ug usa ka bronze. Ang bulawan naggikan ni Athena

Comaingking sa girls singles ug Jeramae Saromines ug Lezlie Agbon ug Francis Berdebel ug Kent Edwin Abellanosa sa doubles. (BANAT NEWS)