Calamba midaog bulawan sa Indonesia

CEBU, Philippines -  Gipamatud-an sa Sugbuanang si Mikaela 'Kokoy' Calamba nga dili tsamba ang iyang kadaugan sa miaging tuig dihang mikabkab

na sab siya og bulawang medalya sa 2013 World Taekwondo Poomsae Championships sa miaging adlaw didto sa Bali, Indonesia.

 Ang 15-anyos nga si Calamba midaog og gold sa individual freestyle poomsae o forms in taekwondo.

 Si Calamba nga  tinun-an sa University of San Carlos (USC) mirehistro og 7.76, nag-una nilang Yu Han Ji sa China nga miposte'g

7.58 alang sa silver ug Thi Thuy Dung Ngo sa Vietnam nga mimarka'g 7.44 alang sa bronze medal.

 Si Calamba gipasidunggang "Athlete of the Year" atol sa 31st Sportswriters Association of Cebu (SAC) awards.

 Kabahin sab si Calamba sa Philippine women's team nga midaog og silver medal sa World Taekwondo Hanmadang

Championships didto sa Gangnam-gu sa Seoul, South Korea. Nidaog sab siya og silver sa 7th Korea Open ug mikubkob og mga bulawan

sa mga nasudnong torneyo sa miaging tuig.

 Si Calamba uban ni Rinna Banatoin sa Abellana National  School (ANS) ug Jocel Ley Nonobla sa Mabila midaog sab og

bulawan sa under-17 team competition.

 Sa pagka karon, ang Phl adunay duha ka golds ug usa ka silver. Ang silver naggikan sa partner ni Calamba nga si Jean Pierre

Sabido sa freestyle. (BANAT NEWS)