Li na abante sa WTC finals

CEBU, Philippines - Miabante ngadto sa labing una niyang WTA Championship ang Chinese tennis star nga si Li Na human siya modaug  sulod sa tulo ka sets batok sa 2011 winner nga si Petra Kvitova sa iskor,     6-4, 6-2  kagahapon didto sa Istanbul, Turkey.

Tungod sa maong kadaugan sa semifinal,  moabante si Li ngadto sa career-high no. 3 sa ranking diin milayat siya'g duha ka ang-ang.

Makigsangka siya karon sa finals batok sa modaug kanilang Serena ug Jelene Jankovic sa laing semifinal match.

Wala mapilde si Li sulod sa iyang upat ka duwa sa maong torneyo human siya mapakyas ngadto sa group stage sa miaging duha ka tuig.

Ang nahisgotang torneyo nagpadala ngadto sa Istanbul sa walo ka labing  maayong tennis players sa tibuok kalibotan.

Mao kini ang ikaduhang higayon sa kasaysayan sa WTA championships nga duha ka players  nga kapin na sa 30 anyos ang panuigon  ang miabante sa top four.

Si Li naghupot karon og 4-3  nga bentaha sa  iyang career batok kang Kvitova, ang Czech  kinsa maoy kampyon sa Wimbledon sa  tuig  2011 nga mao sab ang tuig gihang midaug si Li  sa French Open.

Ang  Chinese star  nga si Li kinsa maoy fourth seed sa maong torneyo, naka-una dayon kang Kvitova  human makabuak sa serve, 3-0 sa wala pa kini matabla sa  4-4.   

Ang backhand winner  ni Li   maoy nakapaguba sa iyang fifth-seeded  nga karibal ug iyang gitapos ang maong sangka  pinaagi sa usa ka  cross-court forehand ug gisundan sa iyang ace.

Walay nahimong sukli si Kvitova ngadto sa forehand ni Li   kinsa nabiyaan sab sa second set, 2-3.  Human sa laing break point,  naka-una si  Li, 4-2 ug nahug na sab sa  iyang serve si Kvitova kinsa nakahimo'g 29 ka unforced error.  (GGM)(BANAT NEWS)