MJDL Brokers mipasud 16 ka tres

CEBU, Philippines -  Mipataroy og 16 ka team triples ang MJDL Brokers aron panitan ang Rollway-Petracorta Brokers, 106-73  niadtong Huwebes sa

gabii atol sa pagbalik sa 1st BOC-CIPU basketball tournament didto sa Benedicto College gym sa dan A.S. Fortuna sa  Mandaue City.

 Ang managsuong Medalle nga silang Noel ug Baeng mitusak og siyam ka three-pointers. Si Noel miposa og lima alang sa

kinatibuk-an niyang 21 puntos aron pangulohan ang MJDL, samtang ang manghod nga si Baeng mibagdok og upat ka triples sa

kinatibuk-an niyang 17 puntos. Si Daniel Enriquez miiskor sab og 17 puntos sa maong kadaugan.

 Lain  pang  naka-tres  mao si  Beking  Rollon  nga  mipasulod og tulo  ug  silang Janus Abellana ug James Gambe nga adunay

tagduha.

 Ang MJDL nga wala pay pilde sa unom ka duwa, segurado na nga moabante ngadto sa semifinals  ug  kinahanglan nga modaog

sila sa ilang katapusang duwa aron haruson ang elimination round.

 Sa laing duwa, ang Ynah Brokers midaog sab human makaipsot  batok sa Alin Brokers sa iskor nga 76-72.

Puntos matag usa

Unang duwa:

 MJDL Brokers (106) - N. Medalle 21, B. Medalle 17, Enriquez 17, Abellana 15, Rollon 9, Elloren 9, Gambe 8, Marata 4, Arreglo 4,

Apuya 2, Cal 2

 Rollway-Petracorta (73) - Tartona 23, Moral 15, Palero 8, Sagario 6, Villaronzoa 6, Solidarios 4, Palad 2, Dela Pieza 2, Petracorta 2

Ikaduhang duwa:

 Ynah Brokers (76) - Tecson 17, Peras 12, Amistoso 12, Ju. Garcia 9, Oporto 6, Castillo 6, Carmen 4, Je. Garcia 4, Guardiano 3

 Alin Brokers (72) - Herbito 19, Estorgio 13, Villomo 12. Amisola 10, Barral 8, I. Alin 6, Lobitana 2, Laurel 2 (BANAT NEWS)