CEBU, Philippines - Gilauman nga moabot sa dul-an 2,000 runner enthusiasts ang moapil sa ipahigayong Parkmall's "The Green Mile: Running the Distance for Kids with Cancer" ugma sa buntag didto sa mall's ground.
Gawas sa pagtimaan sa ikalimang anibersaryo sa Parkmall, ang lumba usa sab ka charity event para sa The Freeman Foundation.
Ang bahin sa proceeds idonar sa pagpaayo sa kampanaryo sa Basilica del Sto. Niño nga nagusbat sa makalilisang nga linog nga miigo sa rehiyon usa na ka semana kapin.
Mokabat ngadto sa P75,000 nga ganting salapi ang giandam alang sa top performers sa lumba nga adunay 3K, 6K, 15K ug 21K length races. Mga medalya ang ihatag sab ngadto sa tanang 21K finishers.
Ang organizers midugang sab og special 'one-kilometer with your dog' category. Ang kita niini ihatag ngadto sa Island Rescue Organization (IRO), usa ka non-government group.
Giawhag ang tanang mga partisipante sa pagdagan sul-ob ang ilang kaugalingon "superhero" costume aron adunay kahigayonan nga makadawat og mga freebies.
Sa laing bahin, laing duha ka running events nga pulos adunay katuyoan ang ipahigayon sab sa maong adlaw dihang ang Run for SugBohol ug Tabang Bohol Run mosikad ugmang adlawa.
Ang Run for SugBohol adunay 3K, 5K ug 10K categories nga manukad diha sa Cebu Doctors' University (CDU) Hospital duol sa Capitol, samtang ang Tabang Bohol Run, usa ka kilometrong fun run adto mahitabo sa dakbayan sa Danao.