CEBU, Philippines - Midaog dayon ang Team 1 ug Team D sa ilang duwa atol sa pagbukas sa Dayon Basketball Club (DBC) Christmas League 2013
basketball tournament didto sa barangay Cogon Ramos gym niadtong Domingo.
Ang Team 1 milubong sa Team A sa iskor nga 118-107, samtang ang Team D mipilde sa Team F sa iskor, 89-83.
Si Aron Bacalla maoy nangu sa Team 1 sa iyang game-high 32 puntos, samtang lima niya ka kauban miiskor sab og double
figures. Sila si Ian Montesclaros ug Buboy Gabato miiskor og 20 puntos matag usa, si Darwin Gabutan miamot og 18 puntos, samtang sila
si Ben Dy ug Boy Cavalida parehong mitampo'g 10 puntos.
Ang Team A gipangulohan ni Nonoy Hipos, kinsa mihipos og 40 puntos ug giabagan siya nilang Arnel Varona ug Jeff Bordallo
kinsa nagkumboya'g 30 puntos.
Sa sayo pa, silang Bryan Maning ug Edsel Maning parehong miposa og 20 puntos aron pangulohan ang Team D, samtang ang
Team F gipangulohan nilang Jojo Baldago nga adunay 12 puntos, gisundan nilang Allyn Tan ug Epoy Pila nga adunay 10 puntos matag
usa.
Ang maong torneyo nahimong posible tungod sa paningkamot sa DBC officials nga gipangulohan sa ilang presidente nga si
Allan Glen 'President' Abella, kinsa mihatag og inspirational message atol sa opening ceremony.
Mitambong sab sa seremonyas si Cogon Ramos Brgy. Capt. Omar D. Durano ni Brgy. Sta. Cruz councilor Reynold Zamora.
Puntos matag usa
Unang duwa:
TEAM D (89) - B. Maning 20, E. Maning 20, Damolao 11, D. Maning 10, Tabasa 10, Regner 6, Abella 5, E. Jayme 4, Navarro 3
TEAM F (83) - Baldago 12, Pila 11, Tan 11, Surmion 10, Misa 10, Rodriguez 9, Dela Victoria 6, Dela Fuente 5, Encina 4, Navarro 2,
Yap 2, Armodia 1
Ikaduhang duwa:
TEAM 1 (118) - Bacalla 32, Gabato 20, Montesclaros 20, Gabutan 18, Dy 10, Cavalida 10, Casas 6, Ycong 2
TEAM A (107) - Hipos 40, Varona 18, Bordallo 12, Llevado 10, Solano 8, Isabelo 7, Abella 4, Abarquez 4, Regner (BANAT NEWS)