Sanchez, Rubi sidlak sa Panoypoy moto'x
CEBU, Philippines - Ang mga beteranong riders nga sila si Donkey Sanchez ug Pepo Rubi maoy midominar sa 4th Kapitan Dennis Balaba Motocross Competition sa miaging adlaw didto sa Panoypoy racetrack sa Panoypoy, Consolacion.
Si Sanchez midaog og double championship pinaagi sa expert ug novice open categories, samtang si Rubi maoy kampiyon sa executive division.
Ikaduha sa novice open mao si Ayen Ledesma, gisundan ni Ehr Jun Codiniera.
Si Ledesma nahimo sab nga runner-up ni Rubi sa executive class, samtang si James Doroy mi-okupar sa ikatulong dapit.
Sa underbone class, si Wiwie Borces maoy kusog misutoy. Sila si John Allen ug RK Cuesta maoy miangkon sa ikaduha ug ikatulo nga dapit.
Ang top three finishers sa local enduro mao sila si Renren Hisoler, Janjan Hisoler ug JP Cuesta.
Gipasiugdahan ni Brgy. Captain Dennis S. Balaba, Deolito M. Codiniera Jr. ug Joel A. Montalla, ang usa ka adlaw nga lumba usa sa mga kalihukan sa tinuig nga kapistahan sa Panoypoy pahinungod sa ilang mahal nga patron Snr. San Gabriel. (BANAT PALARO)
- Latest
