Jugan nakakuha'g lingkoranan sa semifinals sa SK division

CEBU, Philippines - Naka-eskapo ang barangay Jugan bitbit ang 86-85 nga kadaugan batok sa Nangka aron moabante sa semifinal sa Sangguniang Kabataan (SK) division sa 3rd Mayor Teresa 'Nene' P. Alegado Fiesta Cup basketball tournament didto sa  Consolacion Sports Complex.

 Sa lain pang SK division action, ang Tilhaong nakaipsot sab batok sa Cabahangan sa iskor nga 68-65.

 Resulta sa mga duwa ubos sa category A sa Inter-barangay division, ang Cabahangan mipilde sa Tugbongan, 74-70, ang Lamac milubong sa Poblacion Oriental, 78-67, samtang gilubong sab sa Poblacion Occidental ang Casili, 65-63.

 Ang Nangka sa ilang bahin, mibuntog sa Tayud sa iskor nga 69-62, samtang ang Pulpogan mipulbos sa Poblacion Occidental.

 Sa mga duwa ubos sa category B, ang Sacsac mibuntog sa Lanigpa, 48-40 samtang ang Tolotolo walay kukaluoy nga milubong sa Panoypoy, 73-52.

 Ang tinuig nga liga gipaluyohan ni Consolacion Mayor Teresa P. Alegado, Vice Mayor  Rey  Damole ug mga sakop sa Sangguniang Bayan.

 Ang working committee gilangkuban ni sports chairman Boy sa abag ni Ben Ermac, ABC President Mariloy P. Casul ug SK Federation President Vito  Rolito Villo isip co-chairpersons.

 Ang mga duwa gidumala ni league commissioner Paul Alelu Q. Flores, ang kanhi star player sa Far Eastern University (FEU) Tamarraws sa UAAP.