Lexmark, Aegis sud sa CSCC E-League conference finals

CEBU, Philippines -  Gipukan sa Lexmark Stallions ug Aegis Vipers ang tagsa-tagsa nilang kaatbang aron moabante sa conference finals sa 9th CSCC

E-League basketball tournament niadtong Domingo didto sa City Sports Club-Cebu gym sa Cebu Business Park.

 Ang Lexmark mihimo og two-game sweep sa Wipro Tigers pinaagi sa 67-59 decision, samtang ang Aegis milubong sa

ePerformax Reds, 82-65 sa ilang taktakay nga Game-3 aron maangkon ang luna sa finals sa Northern Conference batok sa defending

champion Stream Ingenyouity, nga miabante sab sa finals human nila gitagak ang Calltek Trojans.

 Si Franco Angelo Cipriano mihimo'g double-double pinaagi sa iyang 18 puntos ug 15 ka rebounds alang sa Lexmark nga

moharong sunod sa modaog sa Accenture-Syke series nga nagtabla sa pagka karon, 1-1 sa ilang "best-of-three" playoffs.

 Sila si Ralph Loren Martinez ug Jake Pia miposte og 11 puntos matag usa alang sa Lexmark nga milabaw og 10 puntos sa

halftime, 35-20.

 Mibawos sa Wipro sa third period pinaagi sa ilang 23-10 run, apan ang Lexmark mihimo sab sa ilang kaugalingong 22-11 nga

rally aron modaog.

 Si  Reinario Salibay Jr. maoy nangu sa Wipro pinaagi sa iyang 16 puntos, gisundan ni Brian Deodoro nga adunay 12 puntos.

 Sa laing bahin, ang Aegis mihimo  og   dakung  kalampusan human  maka-eskapo  batok   sa ePerformax sa pagpangulo nilang

Ryan Veloso, Dean Junber   Escalon,  James    Lester Navaja  ug  Rodulfo  Enterina III.

 Si Veloso mipabuhagay og 23 puntos uban ang siyam ka rebounds, samtang si Escalon miamot og 16 puntos, alang sa Aegis,

nga miataki dayon pagsugod sa duwa ug sa katapusang kuwarter aron taktakon ang ePerformax. (BANAT NEWS)