16 teams moapil sa DBC hoopla
CEBU, Philippines - Adunay 16 ka teams ang kompirmadong mosalmot sa Dayon Basketball Club (DBC) 2013 tournament nga gikatakdang sugdan
sa Oktubre 20 didto sa Benjamin Solon Sports Complex sa barangay Cogon-Ramos, ning dakbayan.
Gitukod kini ni DBC president Glen Abella sa tuyo nga mapalambo ang ilang physical fitness ug magpadayon ang
panaghigalaay pinaagi sa basketbol.
Ang 16 ka teams bahinon sa duha ka brackets, A ug B alang sa 30-anyos pataas.
Giawhag kadtong gustong mosalmot sa torneyo sa DBC gikan sa laing mga ballclubs sa pagsumitir sa ilang official line-up sa
Oktubre 12.
Sa laing bahin, aduna ipahigayon nga eleksyon sa mga bag-ong opisyales alang sa 2013-2014 sa dili pa sugdan ang ilang
ikasiyam nga conference nga gitawag og DBC Christmas League 2013 season.
Alang sa dugang pa nga kasayoran, mahimong mokontak ni Glen Abella sa 0917347888 ug 09222481759. (BANAT NEWS)
- Latest
