CEBU, Philippines - Pormal nang giablihan ang Cebu International Port User (CIPU) and Bureau of Customs (BOC) Fellowship
Cup 2013 sa miaging gabii didto sa Benedicto gym sa dalan A.S. Fortuna, dakbayan sa Mandaue.
Matud pa ni Enforcement and Security Services (ESS) Special Agent 1 ug tournament director Boodie
Monteno, nga una kining higayon nga gihimo ang maong torneyo gawas sa pagdumala sa Customs.
Ang maong torneyo gilangkuban sa mga processors, trucking companies, brokers, ESS ug mga kawani sa
Bureau of Customs.
Walo ka teams ang mag-ilog sa kampiyonato nga naglakip sa MJDL Customs Brokerage, Canillas Customs
Brokerage, Plando Customs Brokerage, Alin Customs Brokerage, Global Carrier, Rollway and Limasawa Brokerage,
Ynah Customs Brokerage ug Customs Portmen.
Ang torneyo mosubay og single knockout system ug pagaduwaon kini matag adlaw'ng Martes ug Huwebes
diha sa Benedicto gym.
Nanghinaut si Monteno nga pinaagi sa torneyo mosamot kalig-on ang relasyon sa mga trabahante sa Cebu
International Port (CIP) diin bugtong ang pagkabaskog sa panglawas ang usa sa katuyoan sa maong paugnat sa kusog. (BANAT NEWS)