Run for Smoke Free Talisay gitakda sa Oktubre 6

CEBU, Philippines -  Pormal na nga gilusad ang "Run for 100% Smoke-Free Talisay" nga gipasiugdahan sa Talisay District Hospital

ug sa Talisay City Sports Commission karong Oktubre 6 nga adto manukad ug matapos sa Talisay City Hall ground.

 Ang maong lumba usa  ka paagi sa pagpalig-on sa kampanya sa mga opisyal sa Talisay nga malikayan ang

paggamit pa og sigarilyo sa mga lumulupyo sa maong dakbayan  ug alang usab sa ilang panglawas.

 Ang lumba gibahin sa upat ka kategoriya nga mao ang 21k, 12k, 6k ug 3k.

 "Statistics shows that more and more cases of lung problem that are brought to our hospitals are smoke related

that is why we are pushing for this advocacy to make Talisay a smoke free city," matud pa ni Dr. Camila Conde, chairman

sa Talisay District Health Tobacco control committee.

 Kapin sa P50,000 nga ganting salapi ang gitagana alang sa mga top finishers sa matag kategoriya, samtang ang

mga finishers sa 21k ug 12k makadawat og specially- designed medal.

 Ang registration fee nagkantidad og P500 sa 21K, P400 sa 12K, P300 sa 6K ug P250 sa 3K fun run.

Mahimong magparehistro didto sa Talisay City Sports Commission office, Talisay District Hospital, Gaisano Tabunok ug

RUNNR sa Ayala Center Cebu. (BANAT NEWS)