HLY-Friends miharos sa elimination sa Power Forty

CEBU, Philippines -  Giyabo sa HLY-Friends ni Atty. Flor Yosores ang Water Market ug mikabo'g record-setting 160-134 nga kadaugan  pagtapos sa elimination round sa Power Forty President's Cup basketball tournament didto sa Inayawan Sports Complex.

  Sa laing duwa, ang AMBL midaog sab batok sa Labarca Trading sa iskor nga 119-107.

 Pito ka players sa HLY ang mibahog og double figures nga gipangulohan nilang Wewe Cabrera ug Jun Tantay sa ilang 24 puntos matag usa.  Si  Rey Mabalcon midugang og 22 puntos, gisundan ni Alex Mercado nga adunay 19 puntos, si Julian Capala miamot og 16 puntos. Ang managsuong Yosores nga sila si Atty.  Flor ug  Simoy nagkumboya og 29 puntos.

 Nangulo sa Water Market mao si Adot Tabar nga mipabuto og 38 puntos, samtang si  Joel Jaca miabuno'g 32 puntos si Michael Veloso mipuno'g 27 puntos.

 Sa laing bahin, si Gogo Fuentes mihakot og 30 puntos   alang sa AMBL.  Laing tulo niya ka teammates nga sila  Robert Abasolo, Roger Cabatas  ug   Noel Flordeliza  miiskor sab og double figures.

 Ang Labarca Trading gipangulohan ni Teddy Ebrado sa iyang 21 puntos, gisundan nilang  Tony Ungria ug Jun Cañete nga adunay 19 puntos matag usa. Si Gideon Bughao mitikdol og 18 puntos ug si Lando Villaver mitimbre'g 13 puntos.

 Isip top two teams,   ang HLY (8-2) ug AMBL (7-3) awtomatik na nga miabante sa semifinals isip top two teams samtang ang upat ka lower-seeded teams mag-agi una sa quarterfinals playoffs karong Martes.

 Ang No. 3 nga Park ‘N Go Bakeshop (6-4) makigsangka batok sa No. 5 Labarca Trading (3-7) ug ang No. 4  Water Market  (5-5) makigbatok sa No. 6 Akira (1-9).

 Ang modaog sa knockout quarterfinal tali sa Park ‘N Go ug Labarca maoy makigsangka   sa HLY sa semifinals ug ang modaog sa duwa sa Water Market ug Labarca  maoy makigtakus sa AMBL.

 Ang semifinals himuon   sa Septiyembre 17 ug ang finals  sa Septiyembre 24.

Puntos matag usa

Unang duwa:

 HLY-Friends (160) - Cabrera 24, Tantay 24, Mercado 19, Capala 16, F. Yosores 15, S. Yosores 14, Abarquez 8, Manturillas 8, Abasolo 6

 Water Market (134) - Tabar 38, Jaca 32, Veloso 27, Eleguin 15, Ozon 10, Vernaiz 7, Sandal 2, Navares 2

Ikaduhang duwa:

 AMBL (119) - Fuentes 30, Abasolo 18, Cabatas 15, Flordeliza 10, Lim 6, Kalinga 6, Abellanosa 6, Piezas 5, Filosopo 4, Abasolo 4, Lawas 4, Chiong 2

 Labarca Trading (107) - Ebrado 21, Ungria 19, Cañete 19, Bughao 18, Villaver 13, Almojallas 8, Abellana 5, Fuentes 4 (BANAT NEWS)