CEBU, Philippines - Gipakgang sa team Hoopers ni Yoly Meso ang nagkadinang daog sa powerhouse Phoenix team pinaagi sa
pag-iskor og 58-49 nga kadaugan sa nagpadayong Philippine Institute of Certified Public Accountants (PICPA) 2013
basketball tournament niadtong Sabado didto sa Capitol Parish gym sa dalan Escario, ning dakbayan.
Sayo kaayong nanginit ang Hoopers, kinsa milabaw dayon og 12 puntos, 20-8 sa opening period kortesiya
nilang Dondon Santiago ug Khan Guieb ug ilang namentinar ang double-digit nga labaw sa halftime, 33-21.
Misumbalik sa makadiyot ang Phoenix sa third period ug mihulga pa pagsakmit sa labaw pinaagi sa ilang 14-4
rally sa giya nilang JOel Cabonelez ug Pads Padios aron makan-an ang labaw ngadto na lang sa dos puntos, 35-37
pagsugod sa final quarter. Apan ang Hoopers ni coach Norwin Honoridez mibawos pinaagi sa 21-14 run aron mabugto
ang daog sa Phoenix.
Sa laing duwa, ang PICPA Snipers mipukan sa PICPA Bulls, 66-52 alang sa ilang ikaduhang daog sulod sa
upat ka duwa.
Si Jacon Bonsucan maoy nangu sa Snipers sa iyang game-high 22 puntos, samtang sila si Alvin Zabala ug
Benedict Bandala miamot og 10 puntos matag usa.
Ang Bulls sa laing bahin, gipangulohan ni Ramil Oliveros, kinsa midaog og 18 puntos, gisundan ni Ryan
Alejandrenga misungag og 17 puntos ug Art Flores nga adunay 10 puntos.
Sa sayo pa, ang Wildcats midaog sab batok sa Intangibles, 76-51 alang sa ilang 2-2 nga baraha, samtang ang
Intangibles nagbitbit og 1-3 nga baraha.
Puntos matag usa
Unang duwa:
WILDCATS (76) - Romero 22, Seares 15, Huyo-a 8, Ompad 8, D. Faciol 6, Jumuad 6, Distriza 2, Labaya
2, Trocio 2, Maningo 2, Ian Boy 2, Oyanguren 1
INTANGIBLES (51) - Benido 14, Melino 12, Cabarrubias 12, Judilla 8, Markie 2, Alabano 2, Degolacion 1
Ikaduhang duwa:
HOOPERS (58) - Santiago 25, Guieb 11, Meso 10, Prosia 5, Cadungog 3, Canonigo 2, Catmon 2
PHOENIX (49) - Cabonelez 12, Padios 12, Piape 11, Lusica 6, Judaya 6, Hoylar 2
Ikatulong duwa:
SNIPERS (66) - Bonsucan 22, Zabala 10, Bandala 10, Cuadra 5, Seno 5, Galo 4, Bauzon 4, Chino 2
BULLS (52) - Oliveros 18, Alejandre 17, Flores 10, Arquillano 5, Navales 2 (BANAT NEWS)