CEBU, Philippines - Midaog ang Doc Salcedo team batok sa Siomai ni Edwin Nadal, 84-76 aron moabante sa finals sa 2013 Lagtang Balik Basketball Association (LABBA) 2nd Conference niadtong Domingo didto sa Tabunok Sports Complex, Talisay City.
Sa maong kadaugan, ang Doc Salcedo maoy makigtakus sa Lucky 9 nga miabante sab sa finals human nila gilubong ang CCR Cars ni Epoy Caballero, 95-74.
Ang taktakay nga finals himuon karong Domingo.
Sayes puntos lang ang labaw sa Doc Salcedo sa first period, apan miburot kini ngadto sa 17 puntos sa halftime, 55-38.
Mi-rally sa makadiyot ang Siomai pagsugod sa fourth period gamit ang 21-15 scoring run, apan mao kadto ang katapusan nilang hunat.
Si Nacario maoy nangu sa Doc Salcedo sa iyang 28 puntos samtang silang Abacajan ug Enro Cabañero nagkumboya'g 29 puntos
Ang pilderong Siomai gipangulohan ni Ogie Baltazar, kinsa miburak og 28 puntos, gisundan ni Marlon Nadal nga adunay 18 puntos.
Sa laing bahin, si Donkoy Napoles maoy nangu sa Lucky 9 nga mikulit og game-high 33 puntos. Sila si Larry Bentic ug Derik Cuizon kinsa miposa og 19 ug 17 puntos matag usa, samtang si Muklo Sandoval midugang og 13 puntos.
Ang Car Dealers gipangulohan nilang Diether Zapanta ug Boyet Rabago sa ilang 15 ug 13 puntos matag usa, ug Selyo Tapio nga adunay 10 puntos.
Ang maong torneyo gipasiugdahan sa mga bag-ong opisyales sa LABBA ubos sa ilang presidente nga si Jumie Tabay uban nilang Edwin Nadal ug Wilson Pacaña. Gipaluyohan kini ni Epoy Caballero.
PUNTOS MATAG USA
Unang duwa:
DOC SALCEDO (84) - Nacario 28, Abacajan 19, Cabañero 10, Rabago 9, Verano 7, Fernandez 6, Econas 4, Salcedo 2
SIOMAI (76) - Baltazar 28, M. Nadal 18, Nuñez 10, Mabunay 8, E. Nadal 6, Cabrera 4, Baraytal 2
Ikaduhang duwa:
LUCKY 9 (95) - Napoles 33, Bentic 19, Cuizon 17, Sandoval 13, B. Chavez 4, Zamora 4, Pads 3, L. Chavez 2
CCR CARS (74) - Zapanta 15, Rabaya 13, Tapio 10, E. Caballero 7, Abellana 6, Traya 6, Labajo 5, Ener 4, Alob 3, Minerva 2, Abet 2, Abaquita 1 (BANAT PALARO)