'Igimax' ipadala sa South Korea

CEBU, Philippines -  Ang Sugbuanong seklista nga si Luis Miguel 'Igimax' Maximo usa sa napili nga morepresentar sa Pilipinas sa

UCI World Cycling Center (WCC)-Korea Satellite Training Camp sa Septiyembre 2 hangtod sa Oktubre 20 didto sa

South Korea.

 Si Igimax, 18-anyos, produkto sa YKKBikes.com Junior Program, kabahin sa Cebu MultiSport Team nga

midaog og bulawan sa mixed relay event sa bag-o lang natapos nga Cobra Energy Drink Ironman 70.3 Philippines.

 Uban ni national track coach Carlo Jazul, ang duha gi-endorso sa PhilCycling ubos ni president   Bambol

Tolentino, ang governing body sa cycling sa nasud nga giila sa POC ug PSC aron motambong sa 50 ka adlaw nga training

camp nga maghatag sa mga partisipante og kahigayonan pagpaubos sa usa ka high-level training ug education camp aron

mapalambo ang ilang kinaadman ug kabatid.

 Ang coaching education program pagadumalaon nilang Keith Flory ug Dr. Chester Hills sa World  Cycling

Center sa UCI Switzerland. (BANAT NEWS)