CEBU, Philippines - Giharos sa University of San Carlos (USC) SBP team ang lima ka duwa sa elimination round sa Milo BEST
SBP Passerelle Twin Tournament 2013 Cebu Provincial Finals.
Kini human nila gilumsan ang Sacred Heart School-Ateneo de Cebu (SHS-AdC) sa iskor nga 46-21.
Sa laing bahin, ang Passerelle division defending champion University of the Visayas (UV) mipakurat sa USC,
49-38 aron maoy mangu sa standing sa Under-15 division.
Ang USC, kinsa gituohan nga maoy moangkon pag-usab sa titulo isip Cebu champions karong tuiga, sayong
miposte’g 17-5 nga labaw sa first quarter. Ilang nainat ang labaw ngadto sa 25-11 atol sa halftime sa wala pa kini moburot
ngadto sa 35-16 paingon sa final period.
Si ZJ Enriquez maoy topscorer sa USC sa iyang 16 puntos.
Sa laing sangka sa SBP division, ang Cebu Eastern College (CEC) midaog batok sa USJ-R sa iskor nga 64
-23, samtang midaog sab ang UV batok sa Don Bosco, 40-30.
Ang BEST Center SBP Passerelle Twin Tournament anaa na karon sa ilang ika-28 nga season.
Ang Cebu champion makigsangka batok sa champion gikan sa Bacolod, Iloilo ug Roxas alang sa Visayas
Regional Finals nga maoy Visayas champion qualifying alang ngadto sa national finals.
Gipaluyohan sab ang torneyo sa RCBC Savings Bank. (BANAT NEWS)