Abucayan wala mahadlok ni Brooks

CEBU, Philippines -  Nagpangagot na si two-time wrestling gold medalist Lloyd 'Destroyer' Abucayan   sa Beefit Pythons Pit sa

Mindanao sa laing daku nga away dihang iyang  sangkaon si Cebu-based British fighter  Cris 'Lindol' Brooks sa Yaw-Yan

ArDigma Cebu alang sa bakanteng Ground and Pound Championship (GPC) heavyweight title sa main event sa "Ground

and Pound 7: Resolution"  karong Agosto 31 diha  sa Cebu Coliseum.

 Kampanti si  Abucayan nga siya ang mosakmit sa  bakanteng bakus.

 "Wala man ko mahadlok bisan daku pa kaayo ako kontra," matud pa ni Abucayan nga  usa usab ka

blackbelter sa judo.  "Ang importante man mao ang skills sa usa ka fighter ug maong salig ko nga modaog."

 Si Abucayan adunay timbang nga 196 pounds ug may gitas-on nga 5-foot-8, samtang ang 6-foot-1 nga si

Brooks nagtimbang og 250 pounds.

 "Salig ko sa akong MMA team ug grabe sab akong sakripisyo sa maong fight maong makaingon ko nga ma-

akoa ang bakus," dugang pa niya.

 Laraw ni Abucayan nga manimalos ngadto ni Brooks nga mipilde sa iyang teammate ug former URCC fighter

Gygz Ocampo sa first round atol sa Mindanao Ultimate Mixed Martial Arts' The Proving Ground-Warshock niadtong

Agosto sa miaging tuig didto sa  Cagayan de Oro City.

 Sa laing bahin, si Master Benigno 'Ekin' R. Caniga Jr. ug  pipila ka mga fighters sa maong Mixed Martial Arts

event maoy mga dinapit  sa  senemanang SCOOP-Cebu forum karong adlawa diha sa Baseline Restaurant.

 Ang mga tiket  sa maong kalihukan nagkantidad  og P200 sa upperbox, P400 sa lower box, P750 sa  ringside

ug P1,500 sa VIP seats.

 Alang sa ticket reservations, mahimong motawag sa numero  0932-4524999. (BANAT NEWS)