'Run for Fun and Health' sa Alcoy
CEBU, Philippines - Ang kagamhanan sa Alcoy mopasiugda'g "Run for Fun and Health" karong Domingo didto sa maong lungsod.
Dul-an sa P15,000 nga ganting salapi ang giandam alang sa top finishers.
Ang lumba gibahin sa tulo ka kategoriya -- 7K open, 5K alang sa mga public ug private employees ug 3K nga alang sa mga tinun-an sa elementarya ug sekondarya.
Gawas sa medalya, ang kampiyon sa 7K open makadawat og P2,000, samtang ang second ug third placers mobulsa og P1,000 ug P700.
Ang top three sa 5K makaangkon og P1,000, P700 ug P500 ug ang first three finishers sa 3K makadawat og P700, P500 ug P300.
Ang registration fee nagkantidad og P125 sa 7K ug 5K, samtang P25 sa 3K category. Ang tanang entrante sa 7K ug 5K makaangkon usab og souvenir shirt.
Niadtong interesadong mosalmot, mahimong motawag sa numero 483-9183 ug pangitaa sila si Joseph Ruelan, Cesario Castro o di ba ni Ronilo Debulosan .
Ang maong lumba usa sa mga highlights sa tinuig nga kapistahan sa Alcoy karong Agosto 30 ug 31. (BANAT NEWS)
- Latest
