CEBU, Philippines - Gisubhan og daog ang Bullvets human maka-eskapo bitbit ang 60-59 nga kadaugan batok sa Davies Paints
sa opening game sa Bosconian Basketball Club's Don Bosco Cup 2013 sa miaging adlaw didto sa University of San
Carlos (USC)-North Campus gym.
Gibiyaan sila'g 17 puntos sud sa tulo ka kuwarter, apan ang Bullvets mihimo og 30-12 rally sa final period aron
pakuratan ang Davies Paints.
Ang kadaugan maisip usab nga panimalos alang sa Bullvets kay napilde sila sa Davies Paints sa finals sa
miaging conference sa BBC Alumni Cup niadtong Abril.
Sa laing duwa, ang Batch ’95 milubong sa Batch ’97 sa iskor nga 83-67, samtang gilubong usab sa Batch ’98
ang DBUFC, 60-44.
Lain pang mga koponan nga misalmot sa maong torneyo mao ang Batch ’93, ’94, ’95 ug 2009.
Ang torneyo mosunod og single round robin format diin ang top four teams matag bracket moabante sa
quarterfinals.
Ang modaog moduwa alang sa crossover semifinals diin ang duha nga adunay nindot nga rekord maoy
magsangka sa "best-of-three" finals match.
Puntos matag usa
Bullvets (60) - Brigoli 15, Escobido 15, Duran 10, Guimbarda 7, Cases 6, Genson 3, Sanico 2 , Serafin 2
Davies Paints (59) - Colegado 18, Reroma 12, Gabison 12, Decatoria 8, Decatoria 5, Jagape 4
(BANAT NEWS)