Bernaldez mipirma'g kontrata alang sa IDOL

CEBU, Philippines –  Napun-an na usab ang mga boxing prospect ubos sa nabantog nga ALA Boxing Gym human mipirma og

kontrata si undefeated fighter  Mark Bernaldez, kinsa usa sa mobida sa "IDOL", ang bag-ong boxing series sa ALA

Promotions ug  ABS-CBN.

  "I am so honored that we are chosen to fight in IDOL. I want to give a good fight and I am very thrilled to

fight with such an experienced boxer," matud pa ni Bernaldez nga wala pay  pilde sud sa 10 ka away diin unom niini gikan

sa knockout.

 Ang super bantamweight nga si Bernaldez gikatakdang moaway sa Agosto 24 sa main event sa  "IDOL 1:

Philippines vs. Indonesia" didto sa Big Square Arena sa Escalante, Negros Occidental.

 Harungon niya ang Indonesian fighter nga si Marangin Marbun (21-10,9KOs)  nga nakontra ni   former ALA

world title challenger Rey 'Boom Boom' Bautista niadtong 2009.

 Ang 21-anyos nga si Bernaldez, lab-as pa sa iyang kadaugan  batok sa Indonesian nga si Arief  Blader pinaagi

sa second round knockout niadtong Abril 20 didto sa University of Southeastern Philippines Gymnasium sa Davao City.  (BANAT NEWS)