RP-Gilas klaro na sa quarterfinals

CEBU, Philippines - Gipakita sa Smart Gilas Pilipinas ang daku nilang potensiyal nga mokampiyon sa 27th FIBA Asia Championship dihang

ilang gipukan ang kanhi silver-medalist nga Jordan, 77-71, niadtong Biyernes sa gabii didto sa SM Mall of Asia (MOA)

Arena sa kaulohan.

 Human sa dili kaayo impresibo nilang kadaugan batok sa Saudi Arabia sa opener, ang Gilas mirehistro sa

ikaduha nilang daog batok sa mas tag-as nga mga Jordan.

 Upat ka mga players sa Gilas ang miiskor og double-figures nga gipangulohan ni Jeff Chan, kinsa mikulit og 17

puntos. Si Jayson Castro William mihipos og 16 puntos, gisundan nilang  Ranidel De Ocampo ug Marcus Douthit nga

mitampo'g 11 puntos matag usa.

 Nabiyaan og singko puntos ang Gilas sa halftime sa iskor nga 33-38, apan nanginit silang Chan ug  De

Ocampo nga mipauwan sa ilang three-point shots aron moposte og 11   puntos nga labaw  sa third period sa iskor nga 53-42

 Gikan didto wala na gyud buhii sa Gilas ang labaw ug gihatagan nila og rasun nga magselebrar ang liboan ka

mga Pinoy fans nga mitan-aw didto sa MOA Arena.

 Wala kaayo kaarte ang sinaligan sa Jordan nga si naturalized player Jimmy Baxter nga nalimitahan sa 14

puntos.

 Sa maong kadaugan, segurado na nga moabante sa quarterfinals ang Smart Gilas bisan pa'g mapilde sila sa

Chinese-Taipei nga nagduwa pa sa pagsulat niini. (BANAT NEWS)