13TH Season sa CESAFI gilusad

CEBU, Philippines -  Gibutyag ni Cebu Schools Athletic Foundation  Inc. (CESAFI) commissioner Felix  O. Tiukinhoy, Jr. nga ang mga reperi gikan sa Manila mao gihapon ang mo-officiate sa CESAFI Finals.

 Gipahibalo kini atol sa pormal nga paglusad sa 13th CESAFI season nga gitambongan sa mga opisyales sa liga ubos sa pagpangulo sa ilang presidente Fr. Manny Uy SJ kagahapon didto sa Laguna Café.

  Matud pa ni Tiukinhoy, gihimo kini sa CESAFI aron paglikay sa kagubot kay dili ikalimod nga aduna gyu'y presyur gikan sa mga coaches kun ang local referees ang mo-officiate.

 Ang CESAFI mikuha sa taga-Manila nga mga referees tungod kay matud pa adunay igong kaisog, estrikto ug walay kukahadlok nga motawag og technical foul ngadto sa mga coaches ug players.

 Sa iyang bahin, si Southwestern University (SWU) Cobras head coach Raul 'Yayoy' Alcoseba nangutana

nganong mubo na ang torneyo sa 13th season sa CESAFI nga sugdan sa Agosto 3 diha sa Cebu Coliseum.

 Ning tuiga, ang walo ka partisipanteng koponan sa collegiate division mosubay lang og single round robin format. Laktod pagka sulti, aduna lay pito  ka duwa niadtong teams nga matagak lang dayon.

 Matud pa ni Alcoseba nga dili igo ang pito ka duwa aron mahatagan og tukmang exposure ang mga players.

 Ang CESAFI adunay 12 ka miyembrong tunghaan ug naglakip sa Cebu Doctors’ University, Cebu Eastern

College, Cebu Institute of Technology-University, Don Bosco Technology Center, Sacred Heart School-Ateneo de Cebu, Southwestern University, University of Cebu, University of San Carlos, University of San Jose-Recoletos, University of Southern Philippines-Foundation, University of the Visayas    ug  ang   Velez College. (BANAT PALARO)