CEBU, Philippines - Mga tunghaan gikan sa nagkalain-laing bahin sa Sugbu ug mga kasilinganang probinsiya ang gilauman mopakita sa ilang katakus sa Regional Inter-School Taekwondo Championships nga gitakda sa Agosto 17-18 diha sa University of Cebu-METC gym sa barangay Mambaling, ning siyudad.
Tigian sa duha ka adlaw nga torneyo mao ang kyorugi (combative side of this martial art) ug ang poomsae (forms).
Dugang pa niini, ang organizers tinguha nga mo-establisar sa international standard alang sa lokal nga mga atleta ug ingon man pagdala sa kalihukan.
Alang sa dugang mga kasayoran, mahimong motawag sa 0932-2051149 o e-mail sa MDTowls09@gmail.com ug aulinejoy@yahoo.com. (BANAT NEWS)