Title fight sa Sugbu

CEBU, Philippines -  Sa labing unang higayon sa kasaysayan, usa ka heavyweight title fight ang masaksihan sa mga fight fans sa ikapitong edisyon sa Ground and Pound series nga giuloha'g  "Resolution"  sa Agosto 31 didto sa Cebu Coliseum.

Magsangka sa main event mao ang Cebu-based British Mixed Martial Arts (MMA) fighter nga si Cris 'Lindol'  Brooks sa Yaw-Yan ArDigma Cebu nga makigsangka sa taga-Davao nga si Lloyd Abucayan sa Mindanao's Beefit Pythons Pit.

Ang duha mag-ilog sa bakanteng Ground and Pound Championship (GPC) heavyweight belt.

"This is by far the biggest MMA fight in Cebu. Mixed martial arts is one of the fastest growing sports in the world today and we cannot deny that it is now gaining ground here,” matud pa ni Yaw-Yan ArDigma Cebu CEO/Founder Master Benigno 'Ekin' R. Caniga Jr. atol sa press conference sa miaging gabii didto sa Yaw-Yan Headquarters.

"Ang amo is to make every edition nga mas daku ug mas exciting ilabi na sa mga umaabot  nga tuig."

Moaway sa supporting bout sa maong fight card ubos sa bendisyon sa Games and Amusements Board (GAB) uban sa suporta sa  Skycable, mao ang taga-Butuan City nga si Lorde Rey 'Punisher' Yamit, kinsa modepensa sa iyang

GPC lightweight title batok ni Kru Robert 'Maldito' Serdone sa Redneos Iron Gladiator MMA sa Talisay City.

Mokompleto sa maong triple championship event mao ang away ni undefeated Cebuano   James 'Spider' Serenio, kinsa mosuway pag-angkon sa bakanteng GPC flyweight title batok ni kanhi URCC Visayan flyweight champion ug PXC veteran Victor 'Gladiator' Torre.

Sa usa ka special attraction, si Yaw-Yan Fighting Challenge (YFC) champion Renante 'Limbas' Noblefranca mohimo sa ikaduha niyang title defense batok sa kanhi Philippine Muay Thai team member Marjun 'Muma Warrior' Porriento.