Victory Cup bootfest sa Consolacion
CEBU, Philippines - Lain na usab nga football tournament ang mahitabo sa Consolation pinaagi sa pagpahigayon sa Victory Cup 2013 sa Hulyo 13-14 didto sa hawanan sa Sta. Lucia.
Ang duha ka adlaw nga kompetisyon mosubay sa 7-a-side format nga adunay pito ka kategoriya.
Mga duwa sa players 11, 13, 15 ug 17-under gikatakda sa opening day, samtang ang premiere men's open, 38-above ug ang inter-BPO duwaon sa ikaduhang adlaw.
Ang matag koponan gitugtan lang nga moparada og labing daghang 12 ka players.
Ang registration fee nagkantidad og P800 matag koponan ubos sa players 11 ug 13, P1,000 alang sa boys 15 ug 17 ug P1,200 alang sa taas nga dibisyon.
Giawhag sa event organizers nga gipangulohan ni Engr. Nilo Ferraren ang mga coaches sa tanang partisipanting koponan sa pagtambong sa final sa Hulyo 6 didto sa Mang Inasal sa Parkmall.
Alang sa dugang mga pakisayod, niadtong interesado mahimong motawag ni Engr. Ferraren sa 0922-
8899443. (BANAT PALARO)
- Latest
