Agravante ug Nobleza ga-una sa Hunat Sugbo-3

CEBU, Philippines - Ang Negrense nga si Jason Agravante ug si Jennelyn Nobleza maoy nag-una sa tagsa-tagsa nila ka dibisyon sa premier division sa Hunat Sugbo 3 -Dagan Para Kang Maning kagahapon didto sa Ayala Center-Cebu's Terraces.

Si Agravante midominar sa men’s open sa 21k division human niya gitapos ang lumba sud sa usa ka oras, 12 minutos ug 58 segundos, gisundan Noel Tillor kinsa maoy second placer sa oras nga 1:15:33 ug Riez Enriquez sa oras nga 1:39:13 alang sa ikatulong dapit.

Sa women’s open, si Nobleza mitapos sa lumba sa oras nga 1:34:14 aron pildehon sila si Meris Ramirez (1:35:33) ug Christy Sevilleno-Tutor (1:39:13) kinsa maoy mga runner-ups.

Si Mary Joy Tabal midaog sa 10k run sud sa 39 minutos, gisundan nila ni Cherry (40:40) ug Jhean Andrin (43:37) sa ikaduha ug ikatulong dapit.

Sila si Jobert Carolino (33:17), Joel Delposo (33:34) ug Michael Largo (34:25) maoy top three finishers sa 10k men’s class.

Sila si Lovely (21:34) ug Ronnie Andrin (17:45) maoy migawas nga labing paspas sa 5k open.