CEBU, Philippines - Sa huna-huna sa mga Miami Heat fans, ang 92-88 nga kadaugan sa San Antonio Spurs sa Game-1 daw usa
lang diay ka taghap, apan sa mga supporters sa Spurs, wala nay laing pasangil -- ang daog, daog gyud bisan pa kini usa
lang ka palito.
Dihang midaog ang Heat sa Game-2, 103-84, nakapanghambog ang pro-Heat fans kay wala man nila ang-
anga ang ilang bawos.
Medyo makalibog kini gamay kay dihang naglabaw pa ang Heat og 10 puntos, wala man apasa sa Spurs ug
inay ila kining gukuron, gipalingkod man hinuon ni coach Gregg Popovich ang iyang mga starters ug gipasulod ang tanan
niyang bench players.
Katingad-an kaayo ug ambot unsa kahay gimmick ni coach Popo nga dihang nabiyaan sila sa Memphis
Grizzlies og 17 puntos, dali ra man kaayo nilang naapas.
Angay natong hisayran nga gutom kaayo ang Grizzlies nga modaog sa Western Conference finals batok sa
Spurs busa dili tiaw ang ilang gipakitang enerhiya. Apan tungod sa ilang pagka-hilaw, wala gyud sila magsilbe sa Spurs.
Timan-i nga si Marc Gasol napiling Defensive Player of the Year, apan nagsilbe ba siya sa Spurs bisan og
seven-footer siya? Silang Mike Conley ug Tony Allen giilang mga defensive guards, apan duna ba sila’y nahimo aron
pakgangon silang Duncan, Parker ug Ginobili? Ang resulta, 4-0 sweep.
Kinsa man nga player sa Heat ang giila nga defensive player? Wala man tingali, apan sa opensa sila sab maoy
usa sa labing maayong team.
Basin nagsalig lang tingali kini si Popo nga ang mosunod nga tulo ka duwa sa finals adto sa San Antonio.
Makita sab hinuon sa maong duwa nga wala gyud maka-arte si Tony Parker, kinsa daghan kaayo’g turnovers
ug wala sab makaamot og daku silang Tim Duncan ug Manu Ginobili.
Nangigo unta si Danny Green sa three-point area, apan tataw nga wala mosaler ang depensa ni Kawhi
Leonard ngadto kang LeBron James. Nagmangtas sab si Dwyane Wade sa iyang opensa ug gitinuod ang iyang saad nga
buhaton nila kutob sa ilang mahimo tungod kay ang Game-2 usa ka “must-win†alang kanila.
Giharian si Mario Chalmers hinungdan nga naglibog ang Spurs kun kinsay ilang depensaan og maayo. Kay kun
adto ni Ray Allen moigo ug kun adto sab ni Mike Miller ang bola, moigo sab.
Si James maoy tig-screen sa ibabaw, samtang nag-set sa opensa ang mga guards sa Heat. Daghang puntos
ang ilang naani tungod niadtong maong matang sa game plan.
Nakaseguro ako nga aduna gyu'y buhaton nga adjustments si Popo karon sa Game-3 nga maglisud sab og
rekober ang Heat.
Ang Spurs maoy host sa Games 3, 4 ug 5 niining 2-3-2 format sa Finals. Busa kun maharos sa Spurs, dili na
kabalik ang duwa didto sa Miami.
Ang paningkamotan lang sa Heat nga makabalik gyud ang duwa sa ilang korte sa Game-6 ug Game-7 kun
kinahanglan. Anaa na sa Heat ang dakung bentaha ug parehas gihapon kini sa resulta sa Game-7 batok sa Indiana Pacers. (BANAT BALITA)