CEBU, Philippines - Tulo ka mga koponan gikan sa Manila ang manulong dinhi sa Sugbu alang sa tulo ka adlaw nga "goodwill games" nga uloha'g Cebu City Mayor Mike Rama Collegiate Invitational sa Hunyo 14-16 diha sa Cebu Coliseum.
Ang mga Sugbuanong fans makalaum og nindot nga aksiyon sa Far Eastern University (FEU) Tamaraws,
Mapua Institute of Technology (MIT) ug Lyceum University nga makigharong sa Southwestern University (SWU) Cobras, ang reigning Cebu Schools Athletic Foundation Inc. (CESAFI) champion.
Ang SWU makigbangga sa Lyceum sa opening day sa alas-7 sa gabii, samtang ang FEU makigbatok sa
Mapua sa pasiunang duwa sa alas-5 sa hapon.
Moduwa sila sa usa ka single round robin format. Ang koponan nga adunay maayong rekord awtomatik nga mahimong kampiyon. (BANAT PALARO)