CEBU, Philippines - Gidominar sa team Orange ang kinatibuk-an nilang duwa sa finals batok sa Black team, 117-101 aron
langkaton ang titulo sa Solita Summer League 2013 didto sa Barangay Tabok gym sa Mandaue City.
Si Jamjam Guardiana miantog og 30 puntos aron pangulohan ang Orange, kinsa wala kaayo makasinati'g
kalisud paglangkat sa korona. Si Dennis Rabanal mihirit og 20 puntos, samtang si Niel Martorillas mitudas og 17 puntos
alang sa maong kadaugan.
Ang walay suwerting Black team gipangulohan nilang Canjo Echavez ug Vergil Bercero nga mikadlit og 28 ug
27 puntos matag usa, samtang lain nilang duha ka kaubanan ang miiskor sab og double figures sa malampusong torneyo
nga gipasiugdahan ni Konsehal Boy Tarriman uban sa mga barangay officials ug sa JB Sportswear ni Billy Nadado.
PUNTOS MATAG USA
ORANGE (117) - Guardiana 30, Rabanal 20, Martorillas 17, Arevalo 11, Largo 9, Abing 9, Flores 7,
Sabanal 5, Claro 3, Cabigas 3, Ramo 3
BLACK (101) - Echavez 28, V. Bercero 27, Conde 12, Itang 10, Flores 8, Esymer 4, Bercero 4, Tariman 4,
Cuaton 2, Perez 2 (BANAT NEWS)