Pakyas ang Filipino Mixed Martial Arts (MMA) fighter nga si Honorio ‘Rock’ Banario sa pagdepensa sa iyang bakus human siya gi-KO sa Hapon nga si Koji Oishi.
Si Banario naigo sa bangis nga kumo ni Oishi kinsa misakmit sa ONE FC featherweight title niadtong miaging gabii didto sa SM Mall of Asia Arena.
Guiao nalipay alang ni Belga
Grabe ang kalipay ug garbo ang gibati ni Rain or Shine Elasto Painters head coach Yeng Guiao sa pagkalakip sa iyang player nga si Beau Belga sa Smart Gilas Pilipinas line-up.
Si Belga mao ang katapusang PBA player nga nahukman nga ilakip sa Smart Gilas nga mularga na paingun sa Lithuania alang sa usa ka training camp.
Kanhi NBA All-Star kritikal
Anaa karon sa talandugon nga kahimtang ang kanhi NBA All-Star player nga si Mookie Blaylock human kini makasugat og aksidente sa kadalanan didto sa Atlanta.
Si Blaylock kinsa nailhan nga usa ka maayong defender miduwa sugod 1989 uban sa tulo ka koponan sa NBA nga mao ang Atlanta Hawks, New Jersey Nets ug Golden State Warriors sa wala pa siya miretiro sa tuig 2002.