CEBU, Philippines - Musamot unya ka kulbahinam ang gitakdang ‘super-fight’ tali nila ni No.1 pound-for-pound king Floyd ‘Money’ Mayweather (44-0, 26KOs) ug undefeated Mexican champion Saul ‘El Canelo’ Alvarez (42-0, 30KOs) sa Septiyembre 14 didto sa Las Vegas.
Kini tungod kay gawas sa pagpabilin sa tagsa-tagsa nila ka mga limpyong record, ang mudaog usab tali sa duha ka boxing superstar maoy moangkon sa Ring Magazine, WBC, WBA regular ug WBA super light middleweight titles.
Si Alvarez mao ang nanag-iya sa Ring Magazine, WBC ug WBA regular belts, samtang si Mayweather miangkon sa WBA super title human niya gipilde si Miguel Cotto niadtong miaging tuig.
“It is going to be for all the belts, all the marbles, and it's going to be for the pound-for-pound status,†matud pa ni Golden Boy Promotions CEO Richard Schaefer.
Sa laing bahin, nagkahiusa ang duha ka Mexican boxing legends nga sila si Marco Antonio Barrera ug Erik Morales sa ilang pagtuo nga adunay dakung kahigayunan si Alvarez nga mopilde ni Mayweather. (BANAT NEWS)