YLAC misakmit sa liderato, 5-1 na

CEBU, Philippines -   Ang YLAC nga gipangulohan ni Cris Ang ug sa Pacific Land Ventures midaog batok sa  Dissenters ni Commissioner Jonas Asis, 89-77 aron sakmiton ang solong liderato sa  elimination round sa IBP 10th season basketball tournament didto sa Capitol Parish gym sa dan Escario St., ning dakbayan.

 Ang pointguard sa YLAC nga si Resty Arnaiz maoy nangu sa iyang 23 puntos ug  Benjo Santiago nga adunay 18 puntos. Samtang ang Dissenters gipangulohan ni kanhi UC Webmaster skipper Kenneth Kern Sesante, kinsa miposa og 22 puntos, gisundan ni Giovanni Sususco sa iyang 17 puntos.

 Ang YLAC naghupot na karon og 5-1 nga baraha, samtang ang Dissenters  adunay 2-3.

 Sa sayo pa, midaog sab ang defending champion Pañeros pinaagi sa pagmakmak sa Primos, 75-55 alang sa ilang 3-3 nga baraha.

 Gipangulohan kini ni Rowell Juban pinaagi sa iyang 24 puntos. Sila si Ryan Sojor ug Nilo Balorio nagkumboya og 34 puntos. Ang Primos gipangulohan ni Allan Geotina sa iyang 20 puntos, lakip niini ang unom ka three-pointers.

 Midaog sab ang Titans ni coach Norwin Honoridez pinaagi sa paglubong sa undermanned nga Eagles ni Atty. Kit  Enriquez, 94-64.

 Si Bads del Prado mikadlit  og unom ka triples sa kinatibuk-an niyang 27 puntos aron pangulohan ang Titans, si Ferdie Riveral miamot og 14 puntos.

 Silang Alvin Canta ug Al Lagahit maoy nangu sa  Eagles sa ilang 23 ug 17 puntos matag usa.

 Sa main game,   ang Super Idols ni Bong Pepito mipukan  sa Pecandela Law Firm, 74-63 sa pagpangulo ni  William Mañus, kinsa miiskor og 15 puntos.

 Samtang ang pilderong Pecandela gipangulohan sab ni Jessie Capoy pinaagi sa  iyang 25 puntos.

PUNTOS MATAG USA

 YLAC (89) - Arnaiz 23, Santiago 18, Ang 14, Verallo 14, Ligutan 13, Gealon 7

 DISSENTERS (77) - Sesante 22, Sususco 17, Asis 10, Limalima 7, Dela Cerna 6, Olingay 6, Sarno 3, Rosal 2, Amores 2

Ikaduhang duwa:

 PAÑEROS (75) - Juban 24, Sojor 22, Balorio 13, Manching 7, Cabilte 6, Dinopol 3

 PRIMOS (55) - Geotina 20, Tabotabo 12, Pacoli 11, N. Rama 6, Seville 4, Colasito 2

Ikatulong duwa:

 TITANS ( 94) - Del Prado 27, Riveral 14, Ortiz 13, Velez 13, Pintor 11, Bragat 8, Yap 3,

Esmeralda 2, R. Bauzon 2, Flores 1

 EAGLES (64) - Canta 23, Lagahit 17, Puspus 14, Rebadonia 6, Reyes 4

Ikaupat nga duwa:

 S. IDOLS (74) - Mañus 15, Fe. Pepito 12, B. Pepito 11, Macion 10, Sumampong 8, Santiago 8, Arrabis 6, Piquero 4

 PECANDELA (63) - Capoy 25, Fr. Pepito 13, Yu 12, Malazarte 6, Godornes 5, Enad 2  (BANAT PALARO)