CEBU, Philippines - Kapin sa 100 ka swimmers ang mopakita'g aksiyon sa ikaunom nga edisyon sa Olango Challenge nga mosikad karong alas-11 sa buntag didto sa Crimson Resort and Spa sa Lapu-Lapu City.
Si Loren Dale Echavez modepensa sa iyang titulo sa 6 kilometer division, samtang ang defending men's champion nga si Kiefer Ticao gilauman sab nga mosalmot.
Mga triathletes ang mosalmot sab sa maong kompetisyon nga kabahin sa ilang pagpangandam alang sa Ironman Philippines 70.3 nga gikatakda sa Agosto didto sa Shangri-La Resort and Spa didto gihapon sa dakbayan sa Lapu-Lapu.
Mga ganting salapi, tropeyo ug medalya ang nagpaabot sa top performers.