CEBU, Philippines - Nagtabla ang Smart Gilas Pilipinas ug PBA Selection, 124-all sa 2013 PBA All-Star game niadtong Domingo didto sa Davao del Sur Coliseum.
Gituman sa PBA Selection ang ilang bahad nga hatagan og lisud nga duwa ang Smart Gilas, apan wala nila nabuhat ang pagpilde sa nasudnong koponan nga nangandam sa ilang kampanya alang sa 27th FIBA Asia Championship sa Agosto didto sa Manila.
Nakapanimaho na unta'g daog ang PBA stars human sila naglabaw, 120-114 sa nahabiling 1:14 sa duwa, apan mihimo og milagro sila si Jeff Chan ug Gary David nga mipatusak sa tagsa-tagsa nila ka mga three-point shots aron tablahon ang duwa.
Mihimo pa'g kuwatro puntos ang PBA stars, apan natubag ra usab kini sa Smart Gilas. Ang duha ka free throws ni Jason Castro sa himalatyong oras maoy mitabla sa duwa.
Nangulo sa Gilas mao si Larry Fonacier nga adunay 18 puntos, samtang sila si Gary David ug Ranidel De
Ocampo miiskor og 17 ug 14 puntos matag usa. Si Arwind Santos maoy nangu sa PBA Selection pinaagi sa iyang 27 puntos, gisundan ni KG Canaleta nga adunay 20 puntos.