CEBU, Philippines - Subling gipamatud-an ni undefeated American boxing champion Floyd Mayweather Jr. nga siya ang numero unong boksidor sa tibuok kalibutan human niya yanung gikulata ang Mexican-American challenger nga si Robert Guerrero.
Bisan pa og usa ka tuig siya nga nawala sa eksena sa boxing, nakita gihapon ang kahait sa abilidad ni Mayweather kinsa gilatos og kumo si Guerrero sud sa 12 rounds aron pagdepensa sa iyang WBC welterweight title ug pagsakmit sa bakanteng Ring Magazing belt.
Tulo ka mga hurado ang nagkahiusa ug miiskor og 117-111 pabor ngadto ni Mayweather kinsa bag-o lang miaway human mawagtang og dugay sa boxing lakip na ang dul-an tulo ka buwan nga pagkapriso sa sala nga pagpangulata sa iyang kapuyo nga si Josie Harris.
“It was blood, sweat and tears. What else can I say?†matud pa ni Mayweather.“Everybody was saying, because I’m at the age of 36 that I didn’t have it anymore, that I wasn’t sharp.â€
Gibuhat ni Guerrero ang tanan aron mapilde si Mayweather og gamit ang iyang kaagresibo kapila niya napasandig sa pisi ang undefeated champion, apan dali rang nakaikyas si Mayweather kinsa maoy mas idlas itandi sa duha.
Ang 36-anyos nga si Mayweather nagkanayon nga gusto niya nga tumbahon si Guerrero apan mitug-an siya nga nagsakit ang iyang kamot sa tunga-tungang bahin sa away rasun nga wala na kaayo niya pugsa ang pagpatumba sa Mexican-American.
“I was going for the knockout, but I hurt my right hand midway through the fight,†matud pa ni Mayweather kinsa way pilde sud na sa 44 ka away.
Si Mayweather kinsa nagkapasud og 60% sa iyang mga power shots ngadto ni Guerrero, mipasalamat usab sa iyang amahan ug trainer nga si Floyd Sr. sa maong kadaugan.
Si Mayweather kinsa dugay nang gitupo batok ni Manny Pacquiao, plano nga moaway pagbalik sa Septiyembre. Ang American boxer nakadawat og $32 million sa maong away, samtang si Guerrero mubulsa og $3 million. (BANAT PALARO)