Cebu mo-host sa AFC President's Cup

CEBU, Philippines -  Mohimo na usab og kasaysayan ang siyudad sa Sugbu dihang  mo-host kini sa 2013 Asian Football

Conference (AFC) President's Cup sa Mayo 8, 10 ug 12 diha sa Cebu City Sports Center (CCSC).

 Kini ang labing unang higayon diin usa ka international football tournament  ipahigayon sa Pilipinas. Una usab

kining  higayon nga ang Philippine Football Federation (PFF) mopadala og koponan sa President's Cup.

 Ang President's Cup usa sa tulo ka prestihiyosong mga torneyo ubos sa AFC. Ang uban mao ang AFC

Champions League ug AFC Cup.

 Ang Cebu maoy mo-host sa Group B sa President’s Cup nga pagasalmotan sa Global FC nga morepresentar

sa Pilipinas ug  sa laing tulo ka elite foreign teams   nga  mao ang Dordoi FC sa Kyrgyzstan, Yeedzin FC sa Bhutan ug

KRL FC sa Pakistan.

  "We encourage Cebu football community to go out and watch the games to show that football is alive here in

Cebu," matud pa ni Cebu Football Association (CFA) President Ricky Dakay atol sa press conference kagahapon didto

sa Casino Español de Cebu.

 Ang torneyo mosunod og single round robin format diin ang   top two teams moabante sa final round.

 Ang Dordoi FC ug KRL FC   giisip nga mga top bets sa maong torneyo tungod usab kay ang duha ka

koponan ang nagsangka sa finals sa miaging tuig.

 Hinuon, dili usab kabintahaan ang Global FC nga gilangkuban sa pipila ka mga players sa Philippine Azkals.

Kini mao sila si Azkal striker Denis Wolf, Carli de Murga, Misagh Bahadoran, Patrick Reichelt, Eduard Sacapaño ug

managsuong Marvin ug Marwin Angeles.

 Sa unang adlaw sa torneyo, ang Dordoi FC makigsangka sa KRL FC sa alas-4 sa hapon, samtang ang Global

FC makigharong sa Yeedzin FC sa alas-6:30 sa gabii.

 Ang mga tiket nagkantidad og P1,000 sa VIP, P500 sa Red, Blue ug White area sa grandstand ug P100 sa

Yellow, Pink ug Green area.

 Mapalit ang mga tiket sa tanang SM City-Cebu ticketing centers. (BANAT NEWS)