CEBU, Philippines - Miantog og 23 puntos si Stephen Que lakip na ang crucial baskets sa final period, samtang ang Cameroonian recruit nga si Ahmed Salihou mihirit og 14 puntos dihang ang Cebu Landsmasters/USC Warriors miihaw sa Lion Tiger/USPF Panthers, 86-81 aron tapuson ang ilang first round campaign bitbit ang 3-2 nga baraha sa Enervon CESAFI Partner's Cup 2013 basketball tournament niadtong Huwebes sa gabii didto sa Cebu Coliseum.
Sa laing bahin, ang Prime Asia Lending/UV Lancers mosuway paglansang og 5-0 sweep sa pakigsangka sawalay daog nga Raphael's Café/USJ-R Jaguars.
Ang back-to-back triples ni Que maoy nahimong taytayan sa Cebu Landmasters aron makatabok sa tungason nga kadaugan. Ang una niyang tres maoy mibuak sa panagtabla, 68-all, samtang ang ikaduha naghatag sa Cebu Landmasters og 76-71 nga bentaha sa tunga-tungang bahin sa fourth quarter.
Ang Cebu Landmasters nabiyaan og nuybe puntos sa halftime, 36-45, apan si Salihou mitusak og pito ka sunod-sunod nga puntos sa third period nga nakapabuhi sa ilang dugo. Gawas sa iyang opensiba, si Salihou nakatabang sab og daku sa depensa.
Si Matt Batucan midagkot og 18 puntos ug si Joseph Sedurifa miduslit og 15 puntos alang sa Lion Tiger nga adunay 2-2 nga baraha.
PUNTOS MATAG USA
Cebu Landmasters (86) - Que 23, Salihou 14, Romaguera 9, Pepito 8, Adlawan 8, Ortega 7, Ayala 4, Seno
3, Rabat 3, Laude 3, Ypil 2, Duran 2
Lion Tiger (81) - Batucan 18, Sedurifa 15, Camello 8, Sollano 7, Cavalida 7, Abesia 5, Delalamon 5, Escanilla
4, Nudalo 4, Sastrilles 4, Mangaron 2, Virtucio 2, Ceniza 2