Cebuana triathlete naka-bronze sa S'pore

CEBU, Philippines - Makahuloganon ang unang pagsalmot sa Sugbuanang triathlete nga si Aaliyah Ricci Mataragnon sa internasyonal nga kompetisyon pinaagi sa pagdaog og bronze medal sa New Moon Khcycle Metasprint Series Singapore 2013 didto sa Changi Beach Park dili pa dugay.

 Si Mataragnon, ang umaabot nga Grade 8 student sa Sacred Heart School-Hijas de Jesus  mitapos sa ikatulo sa 26 ka mga entrante ubos sa youth 12-13 bracket.

 Gitapos ni  Mataragnon  ang 250-meter swim, 10km bike ug 2.5km run sud sa 41 minutos ug 56 segundos alang sa ikatulo sunod nilang Katie Mullan ug Tamiya Baynes.

 Si Mataragnon, 12-anyos,  sakop sa Philippine Youth developmental training pool. (BANAT PALARO)