CEBU, Philippines - Magsagubang na sab og laing hagit ang umaabot nga junior netters sa Sugbu sa ipahigayong Smart-Head 2013
Junior Satellite Circuit National Age-Group Tennis Tournament nga gikatakda sa Abril 26-30 didto sa Cebu International
Tennis Centre Inc. (CITCI) courts sa Laray, Consolacion.
Ang tinuig nga kalihukan mosikad sa ilang nationwide tour didto sa Mindanao diin ang Davao maoy mo-host sa
first leg.
Ang mga duwa karong weekend didto sa CITCI maoy una sa tanang gikatakda nga mga legs sa Visayas.
Gikan sa Cebu, ang aksiyon dad-on didto sa Dumaguete City sa Mayo 1-5, dayon sa Bacolod sa Mayo 7-11
ug Iloilo City sa Mayo 13-17.
Ang Luzon legs sugdan sa Mayo 19 didto sa Baguio City ug dayon sa Olongapo City sa Mayo 25-29 ug ang
katapusan sa Manila sa Hunyo 1-7. (BANAT BALITA)