CEBU, Philippines - Midaog ang Golf-Black batok sa Charlie-Green, 85-64 ug ang Echo-Maroon batok sa Foxtrot-Yellow, 95-83 sa ilang debut sa nagpadayong CEKALCO 2013, Mayor Mike Rama Cup Inter-color basketball tournament niadtong .
Sabado sa gabii didto sa A. Lopez open court didto sa barangay Labangon, ning siyudad.
Gisugdan sa Echo-Maroon ang first period pinaagi sa pagposte og 35-14 ubos sa mga paningkamot nilang Donald Catong ug Takloy Moral ug ang ilang double digits nga labaw wala matarog hangtod nahuman ang duwa.
Si Catong miposa og 27 puntos aron maoy mangu sa Echo-Maroon, gisundan ni Jimbo Villarosa miamot og 15 puntos, si skipper Nelson Solana mitampo og 10 puntos.
Gipangulohan sab ni Erik Yee ang Foxtrot-Yellow pinaagi sa iyang 26 puntos, samtang si Edwin Lazaga mitampo'g 17 puntos.
Sa laing bahin, si Gino Almencion maoy nangu sa Golf-Black human siya mohakot og 28 puntos ug ang pointguard nga si Kit Arellano miabuno og 19 puntos.
Ang Charlie-Green gipangulohan ni Estoy Panerio kinsa miburak og 22 puntos, samtang silang Richard Gubaton ug Dony Panugaling nagkumboya og 22 puntos.
PUNTOS MATAG USA
Unang duwa:
ECHO (95) - Catong 27, Villarosa 15, Damulo 13, Moral 13, Solana 10, Dianon 7, Macalisang 4, L. Delos
Reyes 4, Aspera 2
FOXTROT (83) - Yee 26, Lazaga 17, Dacuyan 16, Gutang 15, Sumalinog 6, Zafra 3
Ikaduhang duwa:
GOLF (85) - Almencion 28, Arellano 19, Hortezano 8, Garcia 8, I. Delos Reyes 7, Bentozal 6, Miranda 5,
Superales 4
CHARLIE (64) - Panerio 22, Gubaton 12, Do. Panugaling 10, Bacho 8, Molejon 6, Ho 2, Dn. Panugaling 2,
Da. Panugaling 2 (BANAT PALARO)